Данилова Раиса - Ош ломбер | Текст песни

• Тексты песен
• Данилова Раиса
• Ош ломбер

1.Ош ломбер гыч колат шӱшпык йӱкым,
Шӱдыран кас каваш ончалат.
Ала йӧршын шыч вучо тый мыйым,
Ала уто улам мый тылат.

2. Ах, молан шӱмыш пыштышыч тулым,
"Йӧратем тыйым" - маньыч молан?
Ом кол ыле ойган куку муро,
Лиеш ыле ласка шӱмемлан.


3. Тек мондет тые рвезылык касым,
От пыштал тек кидет вачышкем:
Мый эреак шарнем тудо жапым,
Ончалметым лыжган шинчашкем.

4. Ош ломбер гыч колат шӱшпык йӱкым,
Шӱдыран кас каваш ончалат.
Шарналтет гын уэш рвезе жапым -
Ит мондал шарналташ мыйымат.

Данилова Раиса еще тексты