Хәмит Тләмов - Бурандарға ҡаршы барам | Текст песни

• Тексты песен
• Хәмит Тләмов
• Бурандарға ҡаршы барам

Роберт Тимербаев көйө
Вәлит Илембәтов шиғыры

Күңелемә тиңдәш итәм
Ярһыған бурандарҙы.
Дауылдарға ҡаршы атлап,
Әйләнәм урамдарҙы.
Дауылдарға ҡаршы барам,
Офоҡ асылмаҫ кеүек.
Йөрәгемдең яныуҙары,
Мәңге баҫылмаҫ кеүек.

Йөрәгемә тынғы тапмай,
Үрһәләнгән саҡтарым,
Нишләргә белмәй ҡаңғырып,
Өҙгөләнгән саҡтарым!

Бер мөғжизә булыр кеүек (һымаҡ)
Мөхәббәт хаҡтарына —
Алып китер төҫлө давыл
Мине йәш саҡтарыма.
Алып китер төҫлө дауыл

Минең һағыштарымды,
Һиңә илтеп ҡушыр төҫлө
Минең яҙмыштарымды.

Йөрәгемә тынғы тапмай,
Үрһәләнгән саҡтарым,
Нишләргә белмәй ҡаңғырып,
Өҙгөләнгән саҡтарым!

Өркөтөрлөк түгел мине,
Дауыллы урамдары.
Йөрәгемдә ҡупҡан бөгөн
Мөхәббәт бурандарын.
Нишләп кенә килдең икән
Аҙашҡан яҙмыш булып,
Һулышым өҙөлгәндә лә,
Өҙөлмәҫ һағыш булып?!

Йөрәгемә тынғы тапмай,
Үрһәләнгән саҡтарым,
Нишләргә белмәй ҡаңғырып,
Өҙгөләнгән саҡтарым!

Хәмит Тләмов еще тексты