Zagafuran - Soilamadem solamagamga | Текст песни

• Тексты песен
• Zagafuran
• Soilamadem solamagamga

Сөялмәдем сөймәгәнгә
Зәгафүрән Мөхәммәтнур көе һәм сүзләре

Башка ярата алмам дип,
Сагышка сабышканмын,
Хисләремне бикләп куеп,
Бигрәк ялгышканмын.
Ачкычларын нык яшердем,
Тапмасыннар дип,
Кара күзлекләрдән йөрдем,
Дәшмәсеннәр дип.

Син - минем язмышым,
Син - минем бәхетем,
Чәчәктәй гомеркәйләрнең
Белик кадерен.
Галәмнән төштеңме әллә,
Мине табучы?
Ачкычсыз ачып күңелне
Аваз салучы?!

Сыналгандай утта алтын,
Тормыш сынады.

Кимен түгел,артыгын да
Күпләп сорады.
Сөялмадым сөймәгәңгә,
Тиңемне көттем.
Тайпылмадым уңга-сулга,
Сабырлар иттем.

Син - минем язмышым,
Син - минем бәхетем,
Чәчәктәй гомеркәйләрнең
Белик кадерен.
Тик сабырлык булды миңа
Дөнья терәге,
Син - насыйбы бу Ходамның,
Миңа бүләге.
Галәмнән төштеңме әллә,
Мине табучы?
Ачкычсыз ачып күңелне
Аваз салучы?!
Тик сабырлык булды миңа
Дөнья терәге,
Син - насыйбы бу Ходамның,
Миңа бүләге.

Zagafuran еще тексты