Александра Алексеева - Олус да кэрэ | Текст песни

• Тексты песен
• Александра Алексеева
• Олус да кэрэ

Күннүк Уурастыырап тыллара

Саас хаар ирэрэ,
Көтөр кэлэрэ,
Олус да кэрэ.
Үрэх сүүрэрэ,
Өрүс эстэрэ,
Олус да кэрэ.

Хос ырыата:

Сүрэх сэгэрэ,
Сырдык сэбэрэ,
Үҥкүү тэбэрэ.
Оҕо күлэрэ,
Ийэ үөрэрэ,
Олус да кэрэ.


Этиҥ этэрэ,
Ардах түһэрэ.
Кэйэ тэтэрэ,
Дьэдьэн үүнэрэ,
Олус да кэрэ.

Хос ырыата.

Нарын кулуһун,
Сырдык суугуна,
Олус да кэрэ.
Саха хомуһун,
Тохтор тойуга,
Олус да кэрэ.

Хос ырыата.

Олус да кэрэ – олох диэн дьиҥэ…


Александра Алексеева еще тексты