Июль - ПРИХОДИТЕ В ГОСТИ К НАМ! — Владимир Дашкевич — Юлий Ким — Удмурт сямен берыктӥз но тупатъяз Юлия Разина | Текст песни

• Тексты песен
• Июль
• ПРИХОДИТЕ В ГОСТИ К НАМ! — Владимир Дашкевич — Юлий Ким — Удмурт сямен берыктӥз но тупатъяз Юлия Разина

Владимир Дашкевич — Юлий Ким
ПРИХОДИТЕ В ГОСТИ К НАМ!

Сьӧд Палэсмуртлэсь уд ке кышкаське сокем,
Лек Обыдалэсь яке Вукузёлэсь,
Лыктэ гурт пумысь Сюрес Вож до ры, ӝог-
гес – кытын ке Тыпы сылэ лабрес!

Со Тыпы улын юмшалля Тодосчи Ко-
ӵыш, кудӥз уг шыра, юэ йӧл гинэ!
Вераськись Коӵыш со – зэм но, зэмзэ но! –
Нош Лобась Кый – жильыямын туннэ!

Лыктэ, лыктэ куное тӥ ӝоггес,
Лыктэ, лыктэлэ ӝоггес!
Тӥледлы Коӵыш мадёз
Ваньзэ, мае адӟиз со ачиз!
Кы-ӵе чал-чал но пеймыт!
Кы-ӵе синпӧет, шурдыт!
Мас-ка-ра ке но, кышкыт!

Пумаз нош ваньмыз ик луоз лякыт!

Туж трос пӧртмаськись выжыкыл но, верос но
Тон шедьтод татысь, Вунылэз, Ведӥнез;
Тон ас синмыныд адӟод Вумуртэз но,
Со Тушеныз кышкатылэ ваньмес.

Нош куке со ваньмыз ик йылпумъяськиз ке,
Басылмиз ке шаукарон но пӧртмаськон,
Эх, шулдыр Лӧпшо кадь тон но луод ни –
Эх, Тол Бабай кадь, быгатӥсь луод.

Лыктэ, лыктэ куное тӥ ӝоггес,
Лыктэ, лыктэлэ ӝоггес!
Тӥледлы Коӵыш мадёз
Ваньзэ, мае адӟиз со ачиз!
Кы-ӵе чал-чал но пеймыт!
Кы-ӵе синпӧет, шурдыт!
Туж серем ке но, кышкыт!
Пумаз нош ваньмыз ик луоз лякыт!


Июль еще тексты