Мамсуров Тасолтан - Мае фаеллад цаестытае | Текст песни

• Тексты песен
• Мамсуров Тасолтан
• Мае фаеллад цаестытае

Цæй диссаг дæ, чызгай, цæй уаз дæ.
Цæмæн мæм ныккастæ, цымæ.
Дыууæ хатты фылдæр мæ азтæ
Фыдæн дын бæззын æз дæуæн.
Тæрсын æз — мæ ныхы æнцъылдтыл
Куы фæкæлай, чызгай, мыййаг.
Дæу аккаг куы не суой мæ дзырдтæ
Мæ зæрдæ куы нæ суа дæ фаг.

Дæ саулагъз дзыккутæй æфсæрмы
Кæндзæни мæ урс сæр мæнæн.
Цæмæн хæссыс, чызгай, дæ сæрмæ
Мæн хуызæн зæронды, цæмæн!

Дæуæн у дæргъвæтин дæ фæндаг,
Æз та йыл æрдæгцыд фæдæн.
Дæ базыртæ маргъау дæ фæндиаг,
Мæ базыртæ нал исынц мæн.

Ныууадз мын мæ сагъæс мæхи бар.
Уадз судза мæхи бар мæ арт.
Мæ фæллад цæстытæм мын ма кæс,
Æндæр ран дæ уарзты тых ратт.

Мæ фæллад цæстытæм мын ма кæс,
Æндæр ран дæ уарзты зынг ратт.


Мамсуров Тасолтан еще тексты