Науар Боташев и Апсаты - Гапалау | Текст песни

• Тексты песен
• Науар Боташев и Апсаты
• Гапалау

Муз. и сл. народные.

Ёксюз болуб ёсген эдинг, Гапалау. Ой!
Кёб къыйынлыкъ кёрген эдинг, Гапалау. О-ой!
Анасындан джигит туугъан Гапалау!

Джарлылагъа сен таянчакъ болуученг. Ой!
Ала ючюн сёзню таукел салыученг. О-ой!
Анасындан джигит туугъан Гапалау!

Джер юлешген джерге чыгъыб келгененг. Ой!
"Джарлылагъа эс бёлюгюз!" - дегененг. О-ой!
Анасындан джигит туугъан Гапалау!


Ыстауатда толу къазан къайнайды. Ой!
Джан джанынгда тогъуз къама ойнайды. О-ой!
Анасындан джигит туугъан Гапалау!

Джыгъылмадынг тогъуз къазыкъ тийгинчи. Ой!
Джан бермединг тогъуз къазыкъ киргинчи. О-ой!
Анасындан джигит туугъан Гапалау!

Гапалаула эки элле, бир болду. Ой!
Гапалауну союб кетген ким болду? О-ой!
Ой, анасына джигит туугъан Гапалау!

Атанг джокъду кёзлеринги джумаргъа. Ой!
Ананг джокъду къан башынгы джууаргъа. О-ой!
Анасындан джигит туугъан Гапалау!

Науар Боташев и Апсаты еще тексты