Отарланы Омар - Сани атынгы айтама ( Омар Отаров ) | Текст песни

• Тексты песен
• Отарланы Омар
• Сани атынгы айтама ( Омар Отаров )

Къууанч сагъатымда
Не мыдах болгъанда,
Сени атынгы айта турама,
Бийик булутлагъа,
Жарыкъ жулдузлагъа
Сени хапарынгы сорама.

Къамагъа жазылгъан,
Жылтырап а тургъан
Жазыугъа ушайды сени атынг,
Тюрленмей турлукъча,
Андан ариу жокъча
Кёрюнеди манга сыфатынг.

Жолда кетип бара,
Къар таулагъа къарап,
Санга жырларымы этеме,
Къарлы бугъойладан,
Чынгыл башларындан,
Атынгы айтсам женгил ётеме


Чолпан жулдузд атынг,
Жарыкъ кюн – сыфатынг,
Жашау жолуму жарытхан,
Сен – шаудан сууумса,
Сен – жазгъы тангымса,
Тауланы жарыта атхан.

Жырчыны кюйдюрген,
Жырчыгъа сюйдюрген,
Сен - ариуланы бирисе.
Жарлы назмучуну,
Ол жарлы жырчыны
Сен - жарыкъ тийген кюнюсе!

Къууанч сагъатымда
Не мыдах болгъанда,
Сени атынгы айта турама,
Бийик булутлагъа,
Жарыкъ жулдузлагъа
Сени хапарынгы сорама.

Отарланы Омар еще тексты