Сәғиҙулла Байегет. - "Уйнаһын ҡурайҡайым !" (Лилиә Һаҡмар шиғыры, С.Низаметдинов көйө) | Текст песни

• Тексты песен
• Сәғиҙулла Байегет.
• "Уйнаһын ҡурайҡайым !" (Лилиә Һаҡмар шиғыры, С.Низаметдинов көйө)

УЙНАҺЫН ҠУРАЙҠАЙЫМ!

Урманым бар, булғаным бар
Хистәрем ҡосағында,
Һалҡын ялҡын эскәнем бар
Шишмәләр усағынан.

Ҡушымта:
Уйнаһын ғына ҡурайым,
Тынмаһын тыуған телем!

Хыялымда Ерҙе ташлап,
Йондоҙға осҡанымда
Һағышымдан йондоҙ иреп,
Яуҙы ергә ямғыр, ҡар...

Ҡушымта.

Йыр саҡыра, моң саҡыра,

Тимәк мин әле тере.
Күктә ҡанаттарым тала,
Утрауым -- башҡорт ере.

Ҡушымта.

Ситтә йөрөгән саҡта ла
Үҙ моңом ишетелә,
Тимәк мин әле тирбәләм
Үҙ халҡым бишегендә.

Ҡушымта.

Ер шарында тик бер генә
Ҡәҙерле халҡым минең,
Шишмәләр йырлар илем,
Еркәйем, ғәзиз ерем!

Ҡушымта.

Сәғиҙулла Байегет. еще тексты