Шакиров Станислав - Какшан сер ӱмбалне ломбо | Текст песни

• Тексты песен
• Шакиров Станислав
• Какшан сер ӱмбалне ломбо

Какшан сер ӱмбалне ломбо
Лумла койын пеледеш.
Шӱшпык муро ӱдыр чоным
Йӱлалтале кас велеш.
Коштеш ӱдыр сер воктене,
Кодшо шошым шарналтен,
Тунам тудо ик кастене
Таҥже дене ойырлен.
Юл вӱд серыш кайыш каче,
Кунам тудо пӧртылеш?

Письмам веле ӱдыр таче
Чонжо вургыжын лудеш.
Воза каче: «Жап шумешке
Ӱшанен илал мылам.
Угыч ломбо пеледмеке,
Тый декет мый пӧртылам».
Какшан сер ӱмбалне ломбо
Лумла койын пеледеш.
Шӱшпыкланже ӱдыр чоным
Йӱлалташ шагал кодеш.

Шакиров Станислав еще тексты